जातिय विभेदको कथामा शान्तिप्रियको’तिमी सुनमा जोखिने मान्छे म सुनपानीले चोखिने मान्छे’।

प्रकाशित मिति :   June 9, 2019           Sabasta Entertainment




सबस्त ईन्टरटेनमेन्ट,काठमाडौँ –  जातिय विभेदको प्रेममा आधारित मर्मस्पर्शी  गीत ‘तिमी सुनमा जोखिने मान्छे, म सुनपानीले चोखिने मान्छे ‘को भिडियो छायांकन गरिएको छ । वरिष्ठ चलचित्र पत्रकार शान्तिप्रियले भिडियोको निर्देशन गरेका छन् । केटा र केटी विचको बालापन आत्मीयता एवं वयस्कमा झाँगिएको प्रेमलाई चित्रण गरि तयार पारीएको गीतमा भिडियो निर्माण गरिएको छ  ।

गीतकार प्रकाश के।सी।ले गीत लेखेका हुन् भने शरद समिपले गीतलाई गाएका हुन् । चित्रकार एवं संगीतकार ज्योति प्रकाश बिकले गीतमा संगीत दिएका छन् भने विष्णु अधिकारीले संगीत संयोजन गरेका छन् ।


गीतमा नायिका शिल्पा पोखरेल फिचरिङ भएकी छन् । त्यस्तै वरिष्ठ चलचित्रकर्मी लेखक तथा निर्देशक मोहन निरौला, स्वयं गायक शरद समिपले गीतमा अभिनय गरेका छन् । यस्तै बाल कलाकार कुशाग्रह भट्टराई एवं एञ्जेल राई पनि गीतको अभिनयमा छन् भने निर्देशक माधबराज खरेल समेत भिडियोमा देख्न सकिन्छ ।

भिडियोलाई मुकेश हुमागाइले छायांकन गरेका छन् भने ड्रोन अपरेटिङ रविन वजगाइले गरेका छन् । राम ढकालको स्टिल फोटोग्राफी एवं कविता तोलाङ्गीको श्रृंगार गीतमा रहेको छ । गीतमा एसोसिएट निर्देशकका रुपमा माधबराज खरेल रहेका छन् ।
गीतको भावलाई आफूले सकेसम्म उतारेको निर्देशक शान्तिप्रियले बताए । चरित्र उतार्नकै लागि गीतमा धेरै कलाकार राख्नु परेको समेत प्रियले बताएका छन् । गीत दुई सातापछि रिलिज गरिने बताइएको छ ।

Facebook Comments